Mula taen ngenehang lawat sesapi joh ngindap
dulengek natakin langit natakin lintang tan masunar
awinan pajalan sadina-dina ngawetuang tuuh, ampehang semara
ngentungin gatra tan katampi, tampiasang jengah
katampes lek ngidkid
nyulurang baneh masuluh ngengkebin tatujon
mula dinane ene sane jail
nyumunin lan mabuaka natakin galahe telah maganti
baan angen
tareke taen lawatne sesapi matinggah nekepin keneh
sig carang kayu ane wayah
sajaba lung!
Ngenyor nekol di duur bungan bokne
lantang magambahan
ngulungin lawat
sig duur natah
natakin keneh
kene te iraga ngantiang kliaban kampidne
sig bucun gumi nyedsed maganti
busan busan ngelepak mutbutin tresna
nyaruang saru tekening demen
tresna asih : (nyen kone luh masujen maanting-anting?)
masan nadi natahe
ngaliwat
sesapi makeber mesbes langit
Langganan:
Posting Komentar (Atom)
Tidak ada komentar:
Posting Komentar