KOMEDI BIROKRAT

Tuah maboya nyilihang pamikat piteket sang birokrate mani wekas
Ulian angka pasti tusing kalikalian tawah
Krana yeh ‘ngerarisang’ ngadu lengkara ning utawi embahan toya pamikat
Raga tusing prebawa mabaris negakin lembu lan onta
Natah suci ajeg dadi enjekan langit
Wiadin nyilih dharma wacana
Momotbongol serak anacaraka

Tuah maboya, piteket sang panjabate, tusing nembahang sembako yadiapin idupe daat keweh-keweh aluh nembangin I tiwas
tusing pragat ngundukang pangubadan gratis, yadiapin tumor dadi pawiwahaan ngeseng
sawatara ”surat miskin” masiluman pemekasne nyancang atma:
kasulap antuk sang pengalap bayu rauhin ambu
dadi komoditi maboya sekadi komedi Robinhood

silihang malu karirihan
apang tatakrama tusing macule
di tengah aji mumpung lantangan galah
wiadin mara malajah precaya tekening suara ring birokrat
di marga ganjih lantangan singgahan planet raya
nyilem ring kawah
Mimih!!, ulihang malu palet lengkara kal kapaca keadilan
kajabat limane tekek krana: harmonisasi sekular-universal
egaliter dayuh ubir-ubir, ulihang baan pradnyan

Silihang malu palet, ngungkab pabligbagan
ngedum lan ngeles makejangan panganggone
lan jani ngedum abesikan warnan keneh boya mebati pamerintahe
gerit tuh gaing ius lekad-ilang likad ring natah ibu pretiwi
tusing ulian kolok ngigelang layah angka-angka tiwas
nadiang natah tuh lantang sekadi kelebutan pajalan idupe
tusing ulian sesonggan iwasin titah
tan pasibeh
: ulihang baan semaya