kengken kone carane nyujuh jebag nuju titi swargaloka
galang candra nyambang kenyem manis sig bucun lawat endih lampu margane
idupe tuah mula ja bek malawat baan sunaran galang peteng: maboros sunia
pabligbagan ane ngelekadang pianak lan mentik di masan ujan
sig masan rahayune nengel
ngancan landuh
nadiang baa tresnan idupe sig tengahan sunia gumine lawas
malawat alep
lakar nyancangin langit nyagra peteng : nylibsib
nganti keweh sukeh-sukeh baan ngusuin uli dija kaden tekan kiape
jag sing kodag-kodag
dermagane ane kentel ilang di pasimpangan dedet
ilang pasihe gede
ane seken-seken gelah ragane : buka pasih selem
lan tileh masamaya pabligbagan ane soleh
sibarengan ombake gede sekagenti teka mesahin
dedetne ngengkebang matanai
ane tusing taen neked
ngepungin
lamun dinane ene likad maekin
utawi kenehe ngalintang masiluman
maekang
boya nenung peteng ane onya ulian keneh boya-boya
sada pocol lonto tepukin
Tidak ada komentar:
Posting Komentar