Pajalane konden suud luh. Konden pragat
(sujatine apa ane madan pragat?)
begbeg iluh ngimbuhin baan munyi dahat aksara
nyen ngelangkarain ngelangkahin keneh dewek ane mara malajah ma-saa?
tuah ja munyin crukcuk makules buka lengis sanglir
ane ngaranayang luh jalir buka kene
nang inem isin gelase uli dija kone nyisir anginne ngetohang paundukan, paiketan buka luh jani ngedum bagia?
kalara-lara baan keneh bawak nanging ngancan tandruh nuruhin isin kenehe, mula ja sebet
ngancan peteng magpag pangipian, boya katandruh
Luh, tegarang kenehang abedik krana konyangan keciwa ngempelin tangkah
kadirasa maboros baan lilih
nyen kone ento,wih? di singsale ene lakar ngengkebang singid
nganti bintang bintang engsap ngalihin langitne
lan purnama ngancan dadi tuh nlektekin lawatan di duur enjekan tuara tatas
luh, dija sujatine tatujone ene, majalan mulih neked di pintu kaping kuda
lakar ngedil ngampakang buka ngarepin keneh?
Enu mase ia nyuguang zat ane ngaranayang enggal neked ka langit
Pengawakan berpacu baan rahina lan malajah makeber barengan jak kedise ane lenan
lumure ngancan puyung, luh
tusing ada ane pocol di mangantiang
tara masisa
di patuhang keneh
pidan ngawitin, ngentas matan luhe dini
di itungan bucun rahina ane gangsal pisan makiba
di itungan ane sasidan-sidan liwat
rikala nepukin wates di pungkur
raga masi pada kenjel
mulih, luh
enu ada ane ngantiang jumah
tumanang semarane angon mani-puan
Tidak ada komentar:
Posting Komentar