Sesapi endep makeber
nekepin galang candra, ngentas lawatne
wainan sunia ngawatesin ipian
ngampakang jalan ane makelo bakat antosang
lejeh sing pegat-pegat malaib magpagin ujan
ane labuh lung sid natah tuh
sandikala
munyine ilang
lan umahe ene dadi sebun pangipian, tusing nyidang nanjaang bagia
nyingahin baan keneh memocol – sambrag smarane
ane luh engkebang sid sibakan keneh urem luhe
smara ngae sungkawa
:smara sempuut, angen ngae inguh mabyayuhan
Inguh di keneh
ada sesapi makeber endep kampidne sambrag, nepen atma
belah
sekabesik ulung
nandang kenjel ane daken nuldulin tresna asih
tibanan ngantiang ngalekas dina
ada sesapi makeber sibarengan
ring sandikala penelah, baan tresna ane kual
ngulgul keneh tuara teked
mamung ngancan jaruh
usuin peteng
Tidak ada komentar:
Posting Komentar